නැවත නැවත රැවටෙන්නට
පාර කියන....... හිත
උඹ නම් මට මහ පුදුමෙකි
මතක නැද්ද....
උඹයි මමයි විඳවපු හැටි
කෑමක් බීමක්
නැතුවම
හරියට නින්දත් නොමැතිව
කා එක්කත් කතා නැතිව
වහලේ උළු ගණන් කරපු
ඒ කාලය අමතකයිද....
උඹයි මමයි විඳවපු හැටි
අමතකයිද ඒ විගහට....
එකක් දෙකක් එහෙම නොවෙයි
කිලෝ ගණන් දැකපු හීන
උඹේයි මගෙයි ඉදිරිපිටම
කුඩු පට්ටම් වී යනකොට
උඹයි මමයි විඳවපු හැටි
අමතකයිද ඒ විගහට....
මේ සැමදේ අමතක ලෙස
නැවත නැවත
රැවටෙන්නට......
පාර කියන හිත .......
කියපන් මට පටන් ගමුද...
මුලසිට අපි හැම දෙයක්ම
....
කවුළු පියන් හැරදමන්න
අවසරයිද නැවතවරක්?
බයයිද උඹ මං වගේම
විඳවන්නට වේවි කියා....
එහෙම වුනොත් ආයෙත් අපි
පටන් ගනිමු මුල ඉඳන්ම!
No comments:
Post a Comment